Surxondaryo viloyatining Boysun tumanida 2 ta Nexia to‘qnashishi oqibatida 7 kishi halok bo‘ldi

Surxondaryo viloyatining Boysun tumanida 5-iyul kuni mudhish yo‘l-transport vositasi sodir bo‘ldi, deb xabar beradi IIV Jamoatchilik va ommaviy axborot vositalari bilan aloqalar boshqarmasi.

Surxondaryo viloyati Sho‘rchi tumanida yashovchi 58-sonli o‘rta maktab o‘qituvchisi M.Q. boshqaruvidagi Nexia rusumli avtomashinasini “Darband—Boysun—Sho‘rchi—Elbayon” yo‘lining 55-kilometrida haydab ketayotib, qarama-qarshi tomondan harakatlanib kelayotgan Oqkamar mahallasida yashovchi Y.A. boshqaruvidagi Nexia rusumli avtomashina bilan to‘qnashuv sodir etgan.

Avariya oqibatida ikkala Nexia avtomashinasining haydovchilari va 1 nafar yo‘lovchi Sh.X.lar jarohat olib kasalxonaga yotqizilgan. Shuningdek, avtomashinalarda bo‘lgan 7 nafar yo‘lovchilar ham jarohat olib voqea joyida vafot etgan.