Fransiya terma jamoasi Rossiya yashil maydonlarida o‘tkazilayotgan futbol bo‘yicha Jahon Chempionatining chorak finalida Urugvay terma jamoasini 2:0 hisobida mag‘lubiyatga uchratdi. Gollarga Rafael Varan va Antuan Grizmann mualliflik qildi.
E’tiborlisi, fransuzlar 33 yillik tanaffusdan so‘ng urugvayliklar darvozasiga to‘p kiritishning uddasidan chiqdi. 1985-yilning avgustida o‘tkazilgan o‘rtoqlik uchrashuvida “uchranglilar” Urugvay ustidan ustidan bugungidek 2:0 hisobida g‘alaba qozongandi.
Shundan so‘ng bo‘lib o‘tgan 4 ta uchrashuvda fransuzlar urugvayliklar darvozasiga yo‘l topa olmagan. Mazkur o‘yinlarning 2 tasi Jahon Chempionati(JCh—2002 da 0:0, JCh—2010 da ham 0:0) doirasida o‘tkazilgan.
Izoh (0)