NASA kosmik “oltin vasvasasi”ni bashorat qilmoqda

NASA’ning baholashicha, asteroidlardan olish mumkin bo‘lgan resurslarning umumiy qiymati Yerning bir fuqarosiga 100 milliard dollarni tashkil etadi, deb yozadi Hi-tech.Mail.ru.

Kobalt, platina, oltin, nikel, temir — Yerda noyob bo‘lgan bu metallarning barchasini fazodan olish mumkin. Xalqaro korporatsiyalar allaqachon kosmik foydali qazilmalar bozori uchun kurashga tayyorgarlik ko‘rmoqda.

Deep Space Industries kompaniyasi bir necha yildan keyin asteroid qazilma boyliklarini razvedka qilish uchun birinchi zondni uchirishni rejalashtirmoqda. Kompaniya tahlilchilarining bashoratiga ko‘ra, 2030-yilga keliboq, asteroid foydali qazilmalari bozori hajmi 1,5 milliard dollarni tashkil etadi. Firma o‘z apparatlari uchun allaqachon suv bug‘ida ishlovchi maxsus dvigatel ishlab chiqqan.

Hali mavjud bo‘lmagan bozorga yirik investitsiya kompaniyalari qiziqish bildirmoqda. Goldman Sachs kompaniyasi kosmosda foydali qazilmalarni qazib olishni rivojlantirish istiqbollari to‘g‘risida 98 sahifalik hisobot tayyorladi.

Kosmosda metallar qazib olishning qanchalik tez boshlanishi NASA’ning Psixeya asteroididagi tajribasiga bog‘liq. Uning tarkibidagi temir 10 000 kvadrillion dollarga baholanmoqda. Agentlik muhandislari Psixeyani Yerga olib kelish usullarini ishlab chiqmoqda.