Litvaning Prenay tumanida AQShning to‘rtta Stryker zirhli avtomobili to‘qnashib ketdi. Avariya oqibatida 13 nafar amerikalik harbiy jabrlandi. Bu haqda 7-iyun, payshanba kuni Litva Qurolli kuchlari matbuot xizmatiga tayanib, Delfi xabar bermoqda, deb yozadi “Korrespondent.net”.
Yaralangan harbiylarning hayoti uchun xavf yo‘q. Ular olgan jarohatlar yengil. Harbiylar profilaktik tekshirishlardan o‘tkazish uchun Kaunas shifoxonasiga yetkazilgan.
Prenay—Kaunas yo‘li vaqtinchalik yopilgan. Hodisa joyida harbiy politsiya, politsiya va tez yordam tibbiyot xodimlari ishlamoqda.
Amerikalik harbiy xizmatchilar iyun oyida Boltiq mamlakatlaridan o‘tayotgan o‘quv mashg‘ulotlarida ishtirok etayotganligi ta’kidlanmoqda.
Izoh (0)