Toshkent shahridagi Inha universitetida an’anaviy Google I/O 2018 Extended anjumani bo‘lib o‘tdi. Bu haqda O‘zA xabar bermoqda.
Unda mamlakatning turli viloyatlaridan tashrif buyurgan 200 nafardan ortiq yosh mutaxassislar Google kompaniyasining so‘nggi dastur ishlanmalari hamda axborot texnologiyalari sohasidagi eng so‘nggi rivojlanish tendensiyalari bilan tanishish imkoniga ega bo‘ldi.
Google I/O Extended 2018 bu yil birinchi marotaba Inha universiteti talabalari tomonidan tashkil etilgan Google Developer Groups (GDG) tomonidan o‘tkazilmoqda. Anjumanda ishtirokchilar Google I/O 2018 asosiy tadbirida namoyish etilgan Google Photo, Google Assistant, Google News, Android P, Google Lens kabi mahsulotlar bilan tanishdi.
Anjumanda Martlet, Super Dispatch, SOS Group singari mahalliy IT kompaniyalari vakillari ham o‘z ma’ruzalari bilan ishtirok etdi. Ular IT sohasining turli yo‘nalishlari bo‘yicha o‘z bilim va tajribasi bilan o‘rtoqlashdi. Anjuman yosh dasturchilar uchun ajoyib tajriba maktabi bo‘lib xizmat qildi.
Izoh (0)