Bugun, 15-may sanasida O‘zbekiston futbol assotsiatsiyasining sun’iy qoplamali maydonlarida umumta’lim maktablarining 2009-yilda tug‘ilgan o‘g‘il bolalar hamda 2007-yilda tug‘ilgan o‘quvchi qizlar o‘rtasida OFKning “Ommaviy bolalar futboli kuni”ga bag‘ishlangan festival bo‘lib o‘tdi. Bu haqda O‘FA matbuot xizmati ma’lum qildi.
Festival davomida yosh ishtirokchilar maydonda o‘zlarining mahoratlarini namoyish etdi. Ishtirokchilar guruhlarga bo‘linib, har bir guruhga alohida murabbiy tayinlandi. So‘ngra har bir guruh o‘ziga ajratilgan maxsus jihozlangan joylarga borib, murabbiylari bilan birgalikda estafeta, to‘p muomalasi, to‘pni qo‘lda o‘ynash, yugurish hamda to‘p nazorati bo‘yicha mashg‘ulotlar o‘tkazishdi.
Tadbir so‘ngida ishtrokchilar sertifikatlar bilan taqdirlandi.
Izoh (0)