Toshkent shahrining Yashnobod tumanida yashovchi fuqaro Olesya Danilova 2017-yilning mart oyida Aviasozlar bozoridagi notanish sotuvchidan 3 xil turdagi 18 kilogramm qo‘ziqorin sotib olgan, deb xabar beradi FVV matbuot xizmati.
Olesya qo‘ziqorinlarni kuz-qish mavsumida iste’mol qilish uchun uy sharoitida konservalab saqlab qo‘yadi.
Sentabr oyida, aniqrog‘i 12-sentabr kuni fuqaro Danilova konservalangan qo‘ziqorinlarni bir qismini Oloy bozorida sotadi. Aynan shu kundan Sog‘liqni saqlash vazirligining Epidemiologiya, mikrobiologiya va yuqumli kasalliklar ilmiy-tekshirish institutiga ovqatdan zaharlanish tashxisi bilan bemorlar kela boshladi. Ja’mi 7 nafar bemor davolanish uchun kelib, ulardan bir nafari – Margarita Kosheleva, og‘ir zaharlanish oqibatida vafot etgan.
Yashnobod tuman sudining mazkur tumanda joylashgan 61-sonli maktabda o‘tkazilgan sayyor yig‘ilishida fuqaro Olesya Danilova bo‘yicha hukm o‘qildi. Jabrlanuvchilarning da’vosi yo‘qligi va boshqa yengillashtiruvchi holatlar inobatga olinib sudlanuvchiga nisbatan tayinlangan 3 yil ozodlikdan mahrum qilish jazosi 1 yil-u 6 oy sinov muddatiga almashtirildi.
Izoh (0)