Osiyo kubogi-2019 qur’asi: O‘zbekiston FIFA reytingida Qirg‘izistondan pastroq o‘ringa joylashganiga qaramay, rasman ikkinchi savatchadan o‘rin oldi
Avvalroq ma’lum qilinganidek, 2019-yil BAAda o‘tkaziladigan Osiyo kubogining barcha ishtirokchisi ma’lum bo‘lgan edi.
Foto: OFK
Musobaqada ilk marotaba 24 ta jamoa qatnashadi.
BAA (mezbon), Qatar, Janubiy Koreya, Yaponiya, Tailand, Saudiya Arabistoni, Avstraliya, O‘zbekiston, Eron, Suriya, Iroq, Xitoy, Falastin, Ummon, Hindiston, Livan, Turkmaniston, Iordaniya, Bahrayn, Vyetnam, Qirg‘iziston, KXDR, Filippin va Yaman.
Ma’lumki, joriy yilning 4-may kuni BAAning Dubay shahrida Osiyo Kubogiga qur’a tashlash marosimi bo‘lib o‘tadi. O‘zbekiston FIFA reytingida pastlaganiga qaramay, oldin aytilganidek, uchinchi savatchadan emas, balki ikkinchi savatchadan o‘rin oldi.
O‘zbekistondan ilgarilab ketgan Qirg‘iziston termasi esa 3-savatchadan o‘rin olgan. Sababi OFK qit’a chempionatini o‘tkazish yo‘lida o‘z tasarrufidagi saralash bosqichi va undagi natijalarni inobatga olgan. O‘zbekiston esa saralashning hal qiluvchi bosqichiga yo‘llanma olgan 12 ta jamoa ichida bor edi. Mazkur omil tufayli O‘zbekiston termasi 2-savatga joylashtirilgan. Hozirga qadar OFK Jahon Chempionati uchun alohida va Osiyo Kubogi final bosqichi uchun alohida saralash musobaqasi tashkil etib kelgan. Ammo oxirgi bor tashkilot mazkur ikki saralashni yaxlit ko‘rinishga keltirishni lozim topdi. Ya’ni, Jahon Chempionati—2018 va Osiyo Kubogi—2019 1 ta saralashga birlashtirildi.
Foto: OFK
Qur’aga ko‘ra terma jamoalar 6 guruhga ajratiladi. Guruhlarda 1 va 2-o‘rinni egallagan, shuningdek, 3-o‘rinni egallagan jamoalardan eng yaxshi natija ko‘rsatgan 4 ta jamoa 1/8 final bosqichiga yo‘llanmani qo‘lga kiritadi.
Musobaqa 5-yanvardan 1-fevralga qadar BAAning 4 ta shahrida bo‘lib o‘tishi rejalashtirilgan.
Izoh (0)