Namanganda g‘isht zavodi qurish uchun olingan joyda xo‘roz urishtirish bilan shug‘ullanib kelingani ma’lum bo‘ldi

Namangan shahar IIB xodimlari tomonidan “Mehnatobod” mahallasi hududida noqonuniy xo‘roz urishtirish o‘yini uyushtirib kelingani aniqlandi. Bu haqda “Daryo”ga Namangan viloyat IIB matbuot xizmati ma’lum qildi.

Xo‘roz urishtirishga nafaqat Namangan, balki Farg‘onadan ham ishtirokchilar uchun kelgan, ular 10 ming so‘mdan chipta olgan. Tomoshabinlarga ham chiptalar sotilgan, gigiyena qoidalariga zid ravishda taom va yeguliklar tayyorlangan.

O‘yinlarni 1950-yilda tug‘ilgan pensioner Yo. M. tashkillagani ma’lum bo‘ldi. U bunga hozirlangan joyni g‘isht zavodi qurish uchun olgan ekan.

Ushbu holat yuzasidan tegishli hujjatlar rasmiylashtirilib, surishtiruv ishlari olib borilmoqda.