Наманганда ғишт заводи қуриш учун олинган жойда хўроз уриштириш билан шуғулланиб келингани маълум бўлди

Наманган шаҳар ИИБ ходимлари томонидан «Меҳнатобод» маҳалласи ҳудудида ноқонуний хўроз уриштириш ўйини уюштириб келингани аниқланди. Бу ҳақда «Дарё»га Наманган вилоят ИИБ матбуот хизмати маълум қилди.

Хўроз уриштиришга нафақат Наманган, балки Фарғонадан ҳам иштирокчилар учун келган, улар 10 минг сўмдан чипта олган. Томошабинларга ҳам чипталар сотилган, гигиена қоидаларига зид равишда таом ва егуликлар тайёрланган.

Ўйинларни 1950 йилда туғилган пенсионер Ё. М. ташкиллагани маълум бўлди. У бунга ҳозирланган жойни ғишт заводи қуриш учун олган экан.

Ушбу ҳолат юзасидан тегишли ҳужжатлар расмийлаштирилиб, суриштирув ишлари олиб борилмоқда.