Fuqarolik ishlari bo‘yicha sudlar tomonidan qanday ishlar ko‘riladi?

Adliya vazirligining “Huquqiy axborot” Telegram-kanalida fuqarolik ishlari bo‘yicha sudlarda qanday ishlar ko‘rib chiqilishi haqida ma’lumot berildi.

Fuqarolik ishlari bo‘yicha sudga quyidagi ishlar taalluqlidir:

• fuqarolik, oila, mehnat, uy-joy, yer to‘g‘risidagi va boshqa munosabatlardan yuzaga keladigan nizolar bo‘yicha ishlar, agar taraflardan hech bo‘lmaganda bittasi fuqaro bo‘lsa, bundan qonunda shunday nizolarni hal qilish boshqa sudlarga yoki boshqa organlarga topshiriladigan hollar mustasno;
• alohida tartibda yuritiladigan ishlar (FPK-293 modda), shu jumladan, yuridik ahamiyatga ega bo‘lgan faktlarni aniqlash, bolani farzandlikka olish haqidagi, fuqaroni bedarak yo‘qolgan deb topish va fuqaroni vafot etgan deb e’lon qilish to‘g‘risidagi, fuqaroni muomala layoqati cheklangan yoki muomalaga layoqatsiz deb topish haqidagi va boshqalar;
• buyruq tartibida hal etiladigan ishlar;
• Hakamlik sudlarining hal qiluv qarorlari yuzasidan nizolashish to‘g‘risidagi va hakamlik sudlarining hal qiluv qarorlarini majburiy ijro etish uchun ijro varaqasi berish haqidagi ishlar;
• chet davlat sudlarining hamda chet davlat hakamlik sudlarining (arbitrajlarining) hal qiluv qarorlarini tan olish va ijroga qaratish to‘g‘risidagi ishlar.