“O‘zbekiston havo yo‘llari” MAK Samarqand va Farg‘onadan Qozon shahriga qo‘shimcha aviaqatnovlarni amalga oshiradi. Bu haqda milliy aviakompaniya matbuot xizmati xabar berdi.

2018-yil 29-apreldan boshlab “O‘zbekiston havo yo‘llari” Milliy aviakompaniyasi “Samarqand—Qozon—Samarqand” va “Farg‘ona—Qozon—Farg‘ona” yo‘nalishlarida qo‘shimcha qatnovlarni amalga oshiradi.

“Samarqand—Qozon—Samarqand” yo‘nalishidagi parvozlar yakshanba kunlari zamonaviy A320 samolyotlarida quyidagi jadval bo‘yicha amalga oshiriladi (mahalliy vaqt):

Yakshanba:  HY-697  Samarqand 19:55 – Qozon 21:30

Yakshanba: HY-698  Qozon  22:50 – Samarqand 04:20+1

“Farg‘ona—Qozon—Farg‘ona” yo‘nalishi bo‘yicha parvozlar haftaning seshanba kunlari  zamonaviy A320 samolyotlarida quyidagi jadval bo‘yicha amalga oshiriladi (mahalliy vaqt):

Seshanba: HY-651  Farg‘ona 22:20 – Qozon 00:05+1

Chorshanba: HY-652  Qozon 01:30 – Farg‘ona 07:00