O‘zbekiston 2017-yilda Rossiyaga eng ko‘p muhojir jo‘natgan davlatlar uchligiga kirdi. Rossiya xalq xo‘jaligi va davlat xizmati akademiyasi ekspertlari o‘tkazgan monitoring natijalari shundan dalolat bermoqda, deya xabar beradi “Podrobno.uz”.
Rossiyadagi ishchi kuchi donori bo‘lgan mamlakatlar orasida Ukraina birinchi bo‘lib turibdi (47,7 ming kishi), biroq 2016-yilga nisbatan uning ulushi deyarli ikki barobar kamaydi.
Ikkinchi va uchinchi o‘rinlarni Qozog‘iston (32,7 ming) va O‘zbekiston (22,2 ming) egalladi.
To‘rtinchi va beshinchi o‘rinlarda Qirg‘iziston (19,4 ming) va Armaniston (14 ming) qayd etildi.
Rossiyaga 2017-yil davomida vaqtincha tashrif buyurgan barcha chet elliklar orasida MDH davlatlari fuqarolari ulushi 85-86 foizni tashkil etdi.
Izoh (0)