Ўзбекистон 2017 йилда Россияга энг кўп муҳожир жўнатган давлатлар учлигига кирди. Россия халқ хўжалиги ва давлат хизмати академияси экспертлари ўтказган мониторинг натижалари шундан далолат бермоқда, дея хабар беради «Podrobno.uz».
Россиядаги ишчи кучи донори бўлган мамлакатлар орасида Украина биринчи бўлиб турибди (47,7 минг киши), бироқ 2016 йилга нисбатан унинг улуши деярли икки баробар камайди.
Иккинчи ва учинчи ўринларни Қозоғистон (32,7 минг) ва Ўзбекистон (22,2 минг) эгаллади.
Тўртинчи ва бешинчи ўринларда Қирғизистон (19,4 минг) ва Арманистон (14 минг) қайд этилди.
Россияга 2017 йил давомида вақтинча ташриф буюрган барча чет элликлар орасида МДҲ давлатлари фуқаролари улуши 85-86 фоизни ташкил этди.
Изоҳ (0)