Madridning “Atletiko” klubi La Liganing ketma-ket ikki o‘yinida yirik g‘alabaga erishdi. Bir tur avval “Sevilya”ni 5:2 hisobida taslim qilgan Madrid jamoasi, bu safar “Leganes” darvozasiga javobsiz 4 ta gol urishga muvaffaq bo‘ldi.
Gollarning barchasi fransiyalik hujumchi Antuan Grizmann nomiga yozildi. U avvalgi turda “Sevilya” darvozasiga 3 ta gol urishga erishdi. Ispan OAV tarqatgan xabarga ko‘ra, Grizmann kelasi mavsumni “Barselona” safida boshlashi ham mumkin. Rasmiy doirada esa bu borada hech qanday gap-so‘z yo‘q.
Kechagi g‘alabasidan keyin “Atletiko” hamshahri “Real”dan 10 ochko o‘zib ketdi. Bir kun avval “Qirollik klubi” Barselonaga tashrif buyurib, “Espanyol”ga imkoniyatni boy bergandi.
Yetakchilar “kushandasi”. O‘z uyida “Barselona” va “Atletiko”ni taslim qilgan “Espanyol”, endi “Real”dan ham ustun keldi
O‘z navbatida “Valensiya” kecha Bilbaoda “Atletik” bilan durang o‘ynadi. Natijada “Real” va “Valensiya” orasida ochkolar farqi endi 1 tani tashkil qila boshladi.Bugun peshqadam “Barselona” maydonga tushadi. Ernesto Valverde jamoasini safarda “Las-Palmas” bilan o‘yin kutib turibdi.
Ispaniya La Ligasi 26-tur bellashuvlari 28-fevral, chorshanba
“Atletik” — “Valensiya” 1:1
Gollar: Joffrey Kondogbia, 23 (0:1). Oskar De Markos, 49 (1:1).Noaniq penalti: Arits Aduris, 36 (A).“Malaga” — “Sevilya” 0:1
Gol: Xoakin Korrea, 15 (0:1).“Xetafe” — “Deportivo” 3:0
Gollar: Rodriges Anxel, 40 (1:0). Eneko Boveda, 44-avt (2:0). Xorxe Molina, 82 (3:0).“Atletiko” — “Leganes” 4:0
Gollar: Antuan Grizmann, 26 (1:0). Antuan Grizmann, 35 (2:0). Antuan Grizmann, 56 (3:0). Antuan Grizmann, 67 (4:0).“Eybar” — “Vilyarreal” 1:0
Gol: Kike, 16 (1:0).1-mart, payshanba“Betis” — “Real Sosyedad” 23:30“Las-Palmas” — “Barselona” 01:30 Futbol-TV“Alaves” — “Levante” 01:30
Izoh (0)