Futbol bo‘yicha Yevropa Chempionlar Ligasining nimchorak finalidan joy olgan “Chelsi” — “Barselona” to‘qnashuvida kuchlar teng keldi.
Londondagi “Stemford Brij” stadionida kechgan o‘yinda hisobni Villian ochib bergandi. Uning goliga Eden Azar assistentlik qildi. Oradan 13 daqiqa o‘tib esa Andres Inyestaning pasini Lionel Messi golga aylantirib, “Barselona”ni mag‘lubiyatdan qutqarib qoldi.
Messi bungacha “Chelsi”ga qarshi 8 ta o‘yinda ishtirok etgan bo‘lib, ularning birortasida ham gol ura olmagandi. Shularning 6 tasida Messi Petr Chex darvozasiga yo‘l topa olmadi. Biroq Chex “Arsenal” libosini kiygach, ilk to‘qnashuvdayoq Messi 2 ta gol urdi. Endi esa o‘z tarixida ilk bor “Chelsi” postiga yo‘l topdi.
Bu yil Messi yana bir qora an’anasiga barham bergan. Guruh bosqichi doirasida kechgan “Yuventus”ga qarshi o‘yinda Messi Buffon qo‘riqlayotgan darvozaga ham yo‘l topgandi.
Chempionlar Ligasi 1/8 final 20-fevral, seshanba
Izoh (0)