Vazirlar Mahkamasining 2018-yil 15-fevraldagi “Muqaddas maskanlarni, ziyoratgohlarni, masjidlar va qabristonlarni obodonlashtirish ishlarini samarali tashkil etish to‘g‘risida”gi 120-sonli qarori qabul qilindi, deb xabar berdi Norma.
Hukumat ushbu obyektlarning ishlashida bir qator kamchiliklarni qayd etdi. Qoraqalpog‘iston Respublikasi Vazirlar Kengashi, viloyatlar hokimliklari va Toshkent shahar hokimiga 2 oy muddat bilan ishonib topshirildi:
- Qabristonlarning halatini o‘rganib chiqish, homiylarni jalb qilgan holda ularni obodonlashtirish va ta’mirlash bo‘yicha kerakli choralarni ko‘rish, shuningdek, joriy yilning 1-apreliga qadar Vazirlar Mahkamasiga amalga oshirilgan ishlar bo‘yicha hisobot berish;
- O‘zbekiston musulmonlari idorasi bilan birgalikda hozirgi zamon talablarini o‘rganib chiqib, Vazirlar Mahkamasi huzuridagi Din ishlari bo‘yicha qo‘mitaga diniy marosimlarni o‘tkazish uchun maxsus joylarni tashkil qilish bo‘yicha takliflar (dafn etilganidan oldin ibodat qilish, vafot etganlarni xotirlash) berish.
O‘zbekiston musulmonlari idorasiga bir oy muddat ichida rekonstruktsiya qilish va ta’mirlashni talab qiladigan eski masjidlar ro‘yxatini tuzish, shuningdek, 2018—2019-yillarda tegishli ishlarni tashkil etish va muqaddas joylarni muhofaza qilish hamda takomillashtirish bo‘yicha davlat xayriya jamg‘armasi, homiylik mablag‘lari hisobidan moliyalashtirish tavsiya qilinadi.
Din ishlari bo‘yicha qo‘mita O‘zbekiston musulmonlari idorasi bilan birgalikda muqaddas qadamjolar, ziyoratgohlar, masjid va qabristonlarni ziyorat qilish qoidalariga oid tavsiyalarni ishlab chiqish topshirildi. Qoidalar viloyat hokimliklari, Toshkent shahar hokimligi va Qoraqalpog'iston Respublikasi Vazirlar Kengashining tegishli joylariga joylashtiriladi.
Yoshlar orasida mamlakat hududida muqaddas joylarga hurmat-ehtirom tuyg‘ularini shakllantirish, ularni takomillashtirish va saqlab qolish uchun o‘quv ishlari olib boriladi.
Izoh (0)