JPMorgan bosh direktori bitkoinni “firibgarlik” deb ataganidan afsusda ekanligini bildirdi

JPMorgan bankining bosh direktori Jeyms Daymon 2017-yilning sentabrida bitkoinni “firibgarlik” deb ataganidan afsusda ekanligini bildirdi, deb xabar beradi TJournal.

Shu bilan birga, Daymonning ta’kidlashicha, bitkoinning ishlashini ta’minlovchi blokcheyn texnologiyasi “haqiqatga yaqin”.

Boshqa odamlardan farqli o‘laroq, bitkoin haqida fikrim o‘zgacha. U menga umuman qiziq emas.

Jeyms Daymon, JP Morgan bosh direktori

2017-yilning sentabr oyida Daymon agarda JPMorgan’ning treyderlari kriptovalyuta bilan savdo qilsa, ularni ishdan haydab yuborishini ma’lum qilgandi. O‘shanda u “havodan yaratilgan valyuta asosida biznes yaratib bo‘lmasligini va uni sotib oladiganlarni ham haqiqatda aqlli deb o‘ylash mumkin emasligini” ta’kidlagandi. O‘sha vaqtda bitkoin kursi 4 ming dollar bo‘lgan bo‘lsa, 9-yanvardagi holatga ko‘ra, bitta bitkoin narxi 14 ming dollarga baholangan.