2017 йилнинг 16 декабрь куни Peng Sheng хитой—ўзбек саноат зонаси — «Жиззах» эркин иқтисодий зонасининг Сирдарё филиалига хориж ва маҳаллий ОАВ вакиллари ташриф буюрди. Бу ҳақда Сергей Савчук-Курбанов ўзининг Facebook’даги саҳифасида хабар берди.
Медиа-тур Хитойнинг Ўзбекистондаги элчихонасини Савдо ва иқтисодий масалалар бўйича маслаҳатчи идораси кўмагида ташкил этилди. Унинг раҳбари Цзинь Юйлун икки мамлакат ўртасидаги истиқболли ҳамкорлик тўғрисида сўзлаб берди ва дипломатик алоқалар ўрнатилган 25 йил ичида йиллик савдо ҳажми 100 баробарга ўсганини таъкидлади.
Шунингдек, журналистлар ўзбек—хитой дўстлик боғидан ўрин олган болалар аттракционлари, тренажёрларини ва жорий йилнинг 29 ноябрида очилган футбол майдонини кўздан кечирди.
Изоҳ (0)