Ravshan Haydarov boshchilik qilayotgan O‘zbekiston U23 terma jamoasi M-150 Cup—2017 turniri g‘olibiga aylandi. Bu haqda O‘FF matbuot xizmati xabar berdi.
Ravshan Haydarov boshchilik qilgan O‘zbekiston U23 termasi Myanma bilan arang durang o‘ynadi
Yanvar oyida Xitoyda start oladigan Osiyo Chempionatiga tayyorgarlik ko‘rayotgan O‘zbekiston olimpiya termasi o‘zi joy olgan guruhda peshqadam bo‘lgandi. Futbolchilar ilk turda Myanma bilan 2:2 hisobida durang o‘ynagan bo‘lsa, hal qiluvchi bellashuvda Vyetnamdan ustun kelib (2:1), “B” guruhini karvonboshi sifatida yakunlagandi.“B” guruhi
Vyetnam — Myanma 4:0Myanma — O‘zbekiston 2:2O‘zbekiston — Vyetnam 2:1
Yaponiya termasi esa “A” guruhidagi har ikki o‘yinda zafar quchib, finalda O‘zbekistonga qarshi to‘p suradigan bo‘lgandi, deb yozdi “Championat.asia”. Mazkur zonada musobaqa mezboni Tailand har ikki bellashuvni ham boy berdi.
“A” guruhi
Tailand — KXDR 0:1KXDR — Yaponiya 0:4Yaponiya — Tailand 2:1Final o‘yinida shu tariqa O‘zbekiston va Yaponiya termalari o‘zaro to‘qnash keldi. Ravshan Haydarov shogirdlari hisobda ikki bor oldinga chiqib olgan bo‘lsa-da, bo‘limlar so‘ngida kunchiqar yurt futbolchilar uni tenglashtirishga erishdi. Bellashuvdan keyingi penaltilar seriyasida esa omad o‘zbekistonliklar tomonida bo‘ldi — 6:5.
M-150 Cup—2017 Final o‘yini 15-dekabr, juma
O‘zbekiston — Yaponiya 2:2 (pen — 6:5)
Gollar: Zabihullo O‘rinboyev, 45 (1:0). Yuta Kamiya, 47+ (1:1). Zabihullo O‘rinboyev, 73 (2:1). Yuta Kamiya, 88 (2:2).
Xitoydagi Osiyo Chempionati 9-yanvar kuni start oladi. Mazkur musobaqa Tokio—2020 Olimpiadasi uchun yo‘llanma bermaydi. Qur’aga ko‘ra, O‘zbekiston termasi o‘z guruhida Ummon, Qatar va mezbon Xitoyga qarshi kurash olib boradi.
Izoh (0)