Britaniyalik jarroh-transplantolog Saymon Bremxoll ikki mijozning donorlik jigariga ismi-sharifi bosh harflarini kuydirib tushirgani uchun qirolicha Yelizaveta II kasalxonasidan chetlatildi. Bu haqda Daily Mirror xabar bermoqda.
53 yoshli shifokorning hamkasblari u S va B harflaridan iborat “dastxati”ni qoldirgani uchun Bremxollni sudga berdi. Buni mijozga donorlik jigarini transplantatsiya qilish bo‘yicha operatsiyalardan biri chog‘ida aniqlashga muvaffaq bo‘lindi.
Jarroh odatda tezroq bitishi uchun qon tomirlarini kuydirishda ishlatiladigan maxsus qurilmadan foydalangani bildirilmoqda.
Gospitalda Bremxoll 12 yil ishlagan bo‘lib, transplantologiya sohasida tajribali mutaxassis hisoblanardi. Jabrlangan mijozlarning aniq soniga oydinlik kiritilmoqda.
Sud Bremxollni nafaqat ishdan chetlatgani, balki shifokorlik amaliyotidan ham mahrum etgani ma’lum qilindi.
Izoh (0)