Google muhandislari Xi Chjun Ryu va Florian Shroff telefon ekraniga begona kishi qaraganini aniqlovchi texnologiyani yaratdi. Bu haqda Meduza xabar berdi.

Ekranning elektron himoyasi hisoblangan texnologiya dekabr oyining boshida bo‘lib o‘tadigan konferensiyalardan birida taqdim etiladi. Texnologiyaning ishi haqida hikoya qiluvchi video esa allaqachon taqdim etilgan.

Bunday texnologiyaga ega bo‘lgan Google Pixel telefonlari frontal kamera va ko‘z harakatini boshqarish tizimidan foydalangan holda telefon ekraniga qurilma egasidan boshqa kishi qaraganini aniqlay oladi va ogohlantiruvchi xabar beradi.