O‘zbekiston yoshlar ittifoqi, “O‘zbekkino” MA, Yosh kinoijodkorlar kengashi hamda Kinemotografiyani rivojlantirish markazi tomonidan o‘tkazilayotgan III Respublika PROLogue – 2017 kinofestivalining ochilish marosimi davom etmoqda, ma’lum qildi “Daryo”ga Yosh kinoijodkorlar kengashining matbuot xizmati.
Yoshlar ijod saroyida san’at ahlining buyuk afsonalaridan tortib yosh umidli rejissor va aktyorlar bir davraga jam bo‘ldi.
Festival loyihasi doirasida san’at sohasida bosib o‘tgan yo‘li bilan haqiqiy afsonaga aylangan san’at darg‘alarga bag‘ishlangan “Oramizdagi afsonalar” nomli fotoko‘rgazmaning ochilishi boshlandi.
Ko‘rgazmada 30 dan ortiq mashhur kinoijodkorlar: Ali Hamrayev, Shuhrat Abbosov, Zulfiqor Musoqov, Rixsi Ibrohimova kabi tirik afsonalarning suratlari o‘rin olgan.
Ko‘rgazma g‘oyasi muallifi Muxlisa Azizova, fotograf — G‘ayrat Mo‘minov.
“Oramizdagi afsonalar” — bu yoshlarning ustozlarga bo‘lgan hurmati sifatida tashkil etilgan ko‘rgazma. Aytishimiz mumkinki, ustoz san’atkorlar yosh kinoijodkorlar uchun o‘zining beqiyos ijod maktabini yaratgan. Ularda biz — kinoijodkorlar o‘rganishi kerak bo‘lgan juda ko‘p ijod sirlari mavjud. Ushbu ko‘rgazmani tashkil etishdan ko‘zlangan maqsad ham ustozlarni qo‘llab-quvvatlash, ular doimo e’tibor markazida ekanliklarini eslatishdir.Muxlisa Azizova, rejissor, ko‘rgazma muallifi
PROLogue – 2017 kinofestivali doirasida tashkil qilingan loyihalar davom etmoqda.
Izoh (0)