Yaponiya BMT Xavfsizlik kengashini BMT va Kimyoviy qurolni taqiqlash tashkiloti (KQTT)ning Suriyadagi kimyoviy hujumlarni tekshirish bo‘yicha qo‘shma mexanizmi ishini yana 30 kunga uzaytirishga chaqirdi, deb yozadi “TASS”.
Avvalroq BMT Xavfsizlik kengashida tergov komissiyasi ishini uzaytirish bo‘yicha ikkita — Amerika va Rossiya rezolyutsiyasi ko‘rib chiqilgan edi. Amerika loyihasi Rossiya tomonidan bloklab qo‘yilgan, Rossiya rezolyutsiyasi esa yetarlicha ovozlarga ega bo‘lmagan edi.
Rossiyaning BMTdagi doimiy vakili Vasiliy Nebenzya shunda murosa taklif qilib, tergovchilar vakolatlari 17-noyabrda tugashi tufayli qo‘shma mexanizm ishini texnik uzaytirish haqida qaror qabul qilishga chaqirgandi.
Izoh (0)