Butun dunyodagi odamlar Wikipedia onlayn-ensiklopediyasiga joylashtirilgan maqolalarni o‘qish uchun har oyda 1,2 milliard internetga ulangan qurilmadan foydalanadi. Bu haqda Nyu-Yorkda o‘z ishini yakunlagan Synergy Global forumida mazkur tarmoq qomusi asoschisi Jimmi Ueyls ma’lum qildi, deya xabar beradi “TASS”.
“Bu taxminiy ko‘rsatkichlar, biroq 1,2 milliard qurilma — katta raqam, biz yetarlicha ommalashganmiz. Ayniqsa, mazkur raqamlarda Afrika davlatlari yoki Xitoyda istiqomat qiladigan o‘quvchilar to‘liq hisobga olinmagan bo‘lishi mumkinligi nazarda tutilsa”, — ta’kidladi Ueyls.
Wikipedia asoschisiga ko‘ra, ensiklopediyaga 40 milliondan ortiq maqola joylashtirilgan, ulardan 5 millionga yaqini ingliz tilida. Umuman olganda esa, Wikipedia materiallari bilan 284 tilda tanishish mumkin.
Izoh (0)