Fotogalereya: Real hayotdagi insonlar obrazini yaratgan aktyorlar

AdMe real hayotda bo‘lgan va ularning hayotini filmlarda jonlantirgan aktyorlarning suratlarini to‘plab taqdim etdi.

Xyu Glass — Leonardo Di Kaprio

2015-yilda ekran yuzini ko‘rgan The Revenant filmi qisman Xyu Glass hayotiga asoslangan. Ayiq bilan olishuvda og‘ir jarohat olgan Glassni do‘stlari o‘lishi uchun tashlab ketgan. Biroq u 300 kilometrdan ortiq masofani hech qanday suv va yeguliksiz bosib o‘tgan.

Jaklin Kennedi — Natali Portman

“Jeki” filmida (2016-yil) prezident Kennedining o‘limidan so‘ng, uning rafiqasi Jaklin Kennedining fojiali hayot tarzi haqida so‘z boradi.

Che Gevara — Gael Garsia Bernal

“Che Gevara: mototsiklchining kundaligi” (2004-yil) filmida yosh Ernesto va uning do‘sti Albert Granado butun Lotin Amerikasi bo‘ylab uyushtirgan sayohati haqida so‘zlanadi.

Edvard Snouden — Jozef Gordon-Levitt

2013-yilda Edvard Snouden AQSh milliy xavfsizlik agentligining maxfiy hujjatlarini matbuotga tarqatib yuborgani sabab dong‘i chiqqan. Shundan so‘ng u mamlakatdan qochishiga to‘g‘ri kelgan. “Snouden” (2016-yil) filmida bu voqealar birinchi shaxs tomonidan so‘zlanadi.

Ketrin Jonson, Doroti Vogan, Meri Jekson — Taraji P. Xenson, Oktaviya Spenser, Janel Mone

Hidden Figures filmi voqealari (2016-yil) NASA birinchi kosmik parvozni amalga oshirishga tayyorlangan vaqtlarda, 1960-yillarda sodir bo‘ladi. Tayyorgarlikda afro-amerikalik uch nafar matematika olimalari katta rol o‘ynagan. Biroq ular ish faoliyati davomida irqchilikka duch kelgan.

Julian Assanj — Benedikt Kamberbetch

“Beshinchi hokimiyat” (2013-yil) filmi WikiLeaks loyihasi hamda uning asoschisi Julian Assanj hayotiga asoslanib ishlangan. Filmda davlat xizmatlari va yirik korporatsiyalarning maxfiy ma’lumotlari haqida so‘zlanadi.

Maxavir Pxogata — Amir Xon

“Dangal” filmida (2017-yil) erkin kurash bo‘yicha sobiq hind kurashchisining real hayoti haqida so‘z boradi. U butun umr o‘g‘il farzand ko‘rishni istaydi, biroq aksiga olib taqdir unga to‘rt nafar qiz beradi.

Chesli Sallenberger — Tom Xenks

Sully filmi samolyotni uning ichidagi 155 nafar yo‘lovchiga hech qanday shikast yetkazmasdan Gudzon daryosi suvlariga qo‘ndirgan uchuvchi Chesli Sallenberger haqida.

Pablo Eskobar — Vagner Morua

Narcos teleserialining birinchi ikkita mavsumida (2015-yil) kolumbiyalik narkobaron Pablo Eskobarning hayoti haqida so‘zlanadi.

Aron Ralston — Jeyms Franko

“127 soat” filmi (2010-yil) deyarli 6 kun hech qanday ovqat va suvsiz, qo‘li toshga qisilib qolgan alpinist Aron Ralston haqida.

Jordan Belfort — Leonardo Di Kaprio

“Uoll-strit bo‘rilari” (2013-yil) filmi Nyu-Yorklik sobiq broker Jordan Belfortning memuari asosida ishlangan.