Фотогалерея: Реал ҳаётдаги инсонлар образини яратган актёрлар

AdMe реал ҳаётда бўлган ва уларнинг ҳаётини фильмларда жонлантирган актёрларнинг суратларини тўплаб тақдим этди.

Хью Гласс — Леонардо Ди Каприо

2015 йилда экран юзини кўрган The Revenant фильми қисман Хью Гласс ҳаётига асосланган. Айиқ билан олишувда оғир жароҳат олган Глассни дўстлари ўлиши учун ташлаб кетган. Бироқ у 300 километрдан ортиқ масофани ҳеч қандай сув ва егуликсиз босиб ўтган.

Жаклин Кеннеди — Натали Портман

«Жеки» фильмида (2016 йил) президент Кеннедининг ўлимидан сўнг, унинг рафиқаси Жаклин Кеннедининг фожиали ҳаёт тарзи ҳақида сўз боради.

Че Гевара — Гаэль Гарсиа Берналь

«Че Гевара: мотоциклчининг кундалиги» (2004 йил) фильмида ёш Эрнесто ва унинг дўсти Альберт Гранадо бутун Лотин Америкаси бўйлаб уюштирган саёҳати ҳақида сўзланади.

Эдвард Сноуден — Жозеф Гордон-Левитт

2013 йилда Эдвард Сноуден АҚШ миллий хавфсизлик агентлигининг махфий ҳужжатларини матбуотга тарқатиб юборгани сабаб донғи чиққан. Шундан сўнг у мамлакатдан қочишига тўғри келган. «Сноуден» (2016 йил) фильмида бу воқеалар биринчи шахс томонидан сўзланади.

Кэтрин Жонсон, Дороти Воган, Мэри Жексон — Таражи П. Хенсон, Октавия Спенсер, Жанель Моне

Hidden Figures фильми воқеалари (2016 йил) NASA биринчи космик парвозни амалга оширишга тайёрланган вақтларда, 1960 йилларда содир бўлади. Тайёргарликда афро-америкалик уч нафар математика олималари катта роль ўйнаган. Бироқ улар иш фаолияти давомида ирқчиликка дуч келган.

Жулиан Ассанж — Бенедикт Камбербетч

«Бешинчи ҳокимият» (2013 йил) фильми WikiLeaks лойиҳаси ҳамда унинг асосчиси Жулиан Ассанж ҳаётига асосланиб ишланган. Фильмда давлат хизматлари ва йирик корпорацияларнинг махфий маълумотлари ҳақида сўзланади.

Махавир Пхогата — Амир Хон

«Дангал» фильмида (2017 йил) эркин кураш бўйича собиқ ҳинд курашчисининг реал ҳаёти ҳақида сўз боради. У бутун умр ўғил фарзанд кўришни истайди, бироқ аксига олиб тақдир унга тўрт нафар қиз беради.

Чесли Салленбергер — Том Хэнкс

Sully фильми самолётни унинг ичидаги 155 нафар йўловчига ҳеч қандай шикаст етказмасдан Гудзон дарёси сувларига қўндирган учувчи Чесли Салленбергер ҳақида.

Пабло Эскобар — Вагнер Моруа

Narcos телесериалининг биринчи иккита мавсумида (2015 йил) колумбиялик наркобарон Пабло Эскобарнинг ҳаёти ҳақида сўзланади.

Арон Ралстон — Жеймс Франко

«127 соат» фильми (2010 йил) деярли 6 кун ҳеч қандай овқат ва сувсиз, қўли тошга қисилиб қолган альпинист Арон Ралстон ҳақида.

Жордан Белфорт — Леонардо Ди Каприо

«Уолл-стрит бўрилари» (2013 йил) фильми Нью-Йорклик собиқ брокер Жордан Белфортнинг мемуари асосида ишланган.