Hayot uchun ayovsiz kurash: yaguar va kayman olishuvi (video)

Britaniyalik fotograf Kris Brunskill Twitter’ga yaguar va kaymanning ayovsiz olishuvi aks etgan videoni joylashtirdi, deb xabar beradi “RIA Novosti”.

Jonivorlarning jangi Braziliyadagi Panatala botig‘ida yuz bergan.

Videoda yaguar kaymanga tashlanib, uni suv ostiga tortib ketganini ko‘rish mumkin. Bir lahzaga ikki jonzot ham suv ostiga g‘arq bo‘ladi, biroq biroz fursatdan keyin olishuv yana suv yuzasida davom etadi. Bu olishuvda yaguar g‘olib chiqdi. U kaymanni jag‘lari bilan bo‘g‘izlagancha sohilga tortib chiqara boshlagan.

Kaymanlar timsohlar turkumining kichik vakillari bo‘lib, uzunligi juda kam hollarda 2 metrdan oshadi. Bu sudralib yuruvchilar asosan Markaziy va Janubiy Amerikada tarqalgan.