Rossiya prezidenti Vladimir Putin “Rossiya energetika haftaligi” tadbirining plenar yig‘ilishida KXDRga yadroviy zarba berilishi ehtimoliga izoh berdi. Uning so‘zlarini jurnalist Dmitriy Smirnov Twitter’dagi sahifasida keltirdi.
“Keling, ochiqchasiga gaplashaylik. KXDRga global zarba berish mumkinmi? Mumkin! Natija beradimi? Noma’lum. U yerda nima qayerda ko‘milganini kim bilsin?” — dedi Rossiya yetakchisi.
Putinning fikricha, Koreya yarim oroli atrofidagi ehtiroslarni ixtilofning barcha tomonlari jilovlab olishi lozim.
“AQSh va Shimoliy Koreya, Shimoliy Koreya hamda mintaqa mamlakatlari o‘rtasidagi to‘g‘ridan-to‘g‘ri muloqot yo‘llari topilishi lozim. Faqat shu holatda barcha uchun qoniqarli yechim topish mumkin”, — xulosa qildi Putin.
Izoh (0)