Kongo Demokratik Respublikasi poytaxti Kinshasa shahri yaqinida 30-sentabr kuni yuz bergan An-12 samolyotining qulashi oqibatida halok bo‘lganlar orasida O‘zbekiston fuqarosi ham bor. Bu haqda Rossiya Tashqi ishlar vazirligi rasmiy vakili Mariya Zaxarova ma’lum qildi.
Zaxarova xonimning Kongo DR Mudofaa vazirligi 3-oktabr kuni taqdim etgan axborotga tayanib ma’lum qilishicha, samolyot ekipajining halok bo‘lgan besh a’zosi orasida, Ukraina va O‘zbekiston fuqarolaridan tashqari, uch nafar rossiyalik ham bo‘lgan. Ular Kongo DRda shaxsiy shartnomalar asosida ishlab kelayotgan edi.
Avvalroq Kinshasa aeroportidan havoga ko‘tarilgan An-12 harbiy-transport samolyoti ko‘p o‘tmay texnik nosozlik sabab qulagani, samolyot bortida kamida 10 kishi bo‘lgani haqida xabar berilgan edi. Dastlab tarqatilgan ma’lumotlarda, halok bo‘lganlarning uch nafari ukrainalik, besh nafari esa kongolik ekani aytilgan edi.
Izoh (0)