O‘zbekiston Qambar Ota GESi qurilishiga rozi. Bu haqda O‘zbekiston Prezidenti Shavkat Mirziyoyev Qirg‘iziston rahbari Almazbek Atamboyev bilan muzokaralar yakunlari bo‘yicha ma’lum qildi, deb yozadi “1news.uz”.
Uning so‘zlariga ko‘ra, davlat rahbarlari tor doiradagi muzokaralar chog‘ida ko‘plab muammoli va nozik masalalarni muhokama qilgan. Ular ko‘p yillar davomida ikki mamlakat munosabatlarini qiyinlashtirib kelgan suv bahsiga ham daxldor bo‘lgan.
“Biz suv masalalari, elektr stansiyalari qurilishi bo‘yicha jiddiy kelishib oldik. Almazbek Atamboyev bizni Qirg‘izistondagi hech bir stansiya O‘zbekiston ishtirokisiz qurilmasligiga ishontirdi. Biz eng faol tarzda, shu jumladan, moliyaviy jihatdan ishtirok etishga tayyormiz. Bu ikkala tomon uchun ham manfaatli bo‘lishi uchun, hammasini puxta o‘ylab, oqilona amalga oshirishimiz kerak. Qambar Ota qurilishi esa biz uchun manfaatli. Bu stansiya kerak. Biz Qambar Ota stansiyasini birgalikda quramiz”, — dedi Shavkat Mirziyoyev.
Izoh (0)