14-avgust kuni Shavkat Mirziyoyev “Madaniyat va san’at tashkilotlari, ijodiy uyushmalar va ommaviy axborot vositalari faoliyatini yanada rivojlantirish, soha xodimlari mehnatini rag‘batlantirish bo‘yicha qo‘shimcha sharoitlar yaratishga doir chora-tadbirlar to‘g‘risida”gi qarorni imzoladi. Bu haqda “O‘zbekiston 24” xabar bermoqda.
Unga ko‘ra, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari shaharlarda barpo etiladigan ko‘p kvartirali arzon uylar hamda qishloq joylarda yangilangan namunaviy loyihalar asosida barpo etilayotgan arzon uy-joylarga muhtoj fuqarolar ro‘yxatini belgilangan tartibda shakllantirishda O‘zbekiston Milliy axborot agentligi, “O‘zbekkino” Milliy agentligi, O‘zbekiston Yozuvchilar uyushmasi, O‘zbekiston Respublikasi Madaniyat vazirligi tizimidagi tashkilotlar, O‘zbekiston Jurnalistlar ijodiy uyushmasi, O‘zbekiston Badiiy akademiyasi, O‘zbekiston kompozitorlari va bastakorlari uyushmasi a’zolari va xodimlari, jumladan, ushbu sohalardagi iste’dodli va istiqbolli yoshlarning uy-joyga bo‘lgan ehtiyoji inobatga olinadi.
Bundan tashqari, ilm-fan, adabiyot va san’at asarlari nashr etilgani uchun mualliflik haqining eng kam stavkalari belgilab berildi.
San’at va madaniyat vakillari uchun belgilangan gonorar stavkalari 2018-yil 1-yanvardan boshlab amalga kiradi.
Izoh (0)