Microsoft kompaniyasi Paint’ning eskirganini tan oldi

Microsoft korporatsiyasi 1985-yildan buyon Windows operatsion tizimi tarkibiga kirgan Paint grafik dasturi ustida ishlashni to‘xtatdi. Bu haqda Meduza xabar berdi.

Windows 10’ning yangi talqini hisoblangan Fall Creators Update’ning olib tashlanadigan yoki eskirgan deb topiladigan vazifalari tavsifida Paint “faol ishlanish jarayonida emas va keyingi yangilashda o‘chirilishi mumkin” degan kategoriyaga joylashtirilgan. Microsoft dasturning taqdiri haqida boshqa tafsilotlarni keltirmagan.

Fall Creators Update’da korporatsiya Outlook Express hamda PDF va TIFF formatidagi hujjatlarni o‘qish uchun foydalaniladigan Reader dasturini ham o‘chiradi. Reader funksiyasi Edge brauzeriga qo‘shiladi.