Microsoft корпорацияси 1985 йилдан буён Windows операцион тизими таркибига кирган Paint график дастури устида ишлашни тўхтатди. Бу ҳақда Meduza хабар берди.
Windows 10’нинг янги талқини ҳисобланган Fall Creators Update’нинг олиб ташланадиган ёки эскирган деб топиладиган вазифалари тавсифида Paint «фаол ишланиш жараёнида эмас ва кейинги янгилашда ўчирилиши мумкин» деган категорияга жойлаштирилган. Microsoft дастурнинг тақдири ҳақида бошқа тафсилотларни келтирмаган.
Fall Creators Update’да корпорация Outlook Express ҳамда PDF ва TIFF форматидаги ҳужжатларни ўқиш учун фойдаланиладиган Reader дастурини ҳам ўчиради. Reader функцияси Edge браузерига қўшилади.
Изоҳ (0)