Yaponiyadagi suv toshqinlari oqibatida 32 kishi halok bo‘ldi

Yaponiyaning Kyusyu orolidagi suv toshqinlari oqibatida halok bo‘lganlar soni 32 nafargacha ko‘paydi. Bu haqda “Gazeta.ru” xabar bermoqda.

Yana 10 kishi bedarak yo‘qolgan, deb taxmin qilinmoqda.

O‘z-o‘zini mudofaa qilish kuchlari, politsiya va yong‘in muhofazasi xizmatining ikki mingdan ziyod xodimlari bedarak yo‘qolganlarni qidirishga jalb etilgan.

Avvalroq Kyusyudagi suv toshqinlari oqibatida 29 kishi halok bo‘lgani haqida xabar berilgan edi.