Koreya Respublikasi Adliya vazirligining 21-iyunda e’lon qilingan hisobotiga ko‘ra, o‘zbekistonliklar Janubiy Koreyadagi muhojirlar soni bo‘yicha beshinchi o‘rinni egalladi. Bu haqda “Arirang.uz” sayti xabar qildi.
Janubiy Koreyada eng yirik chet elliklar jamoalari o‘rtasida birinchi o‘rinni Xitoy fuqarolari egalladi. Mamlakatda ularning soni 1 milliondan ortiq, ya’ni ular Janubiy Koreyada yashayotgan va ishlayotgan barcha xorijliklar umumiy sonining 50 foizini tashkil etadi.
Ikkinchi o‘rinni yuqori ko‘rsatkich bilan Vyetnam (150 ming yoki chet elliklar umumiy sonining 7,3 foizi) zabt etdi. Keyingi o‘rinlarda AQSh (140 ming yoki 6,8 foiz) va Tailand (100 ming yoki 5 foizga yaqin) turibdi.
Beshinchi o‘rinni O‘zbekiston va Filippin egalladi — bu ikki davlatning har biri 55 ming nafar, muhojirlar umumiy sonining 3 foiziini tashkil qiluvchi o‘z aholisi bilan mazkur o‘rinda.
Izoh (0)