Ukrainaning Dnepr shahrida poyezd tramvay bilan to‘qnashib ketdi. Tramvay ichida odamlar bor edi, deb xabar beradi “Korrespondent.net”.
Aytilishicha, sostav orqaga siljiyotgan paytda tramvay bekatda yo‘lovchilarni tushirayotgan edi. Tramvay ham kutilmaganda harakatlana boshlagani uchun to‘qnashuv ro‘y berdi.
Dastlabki ma’lumotlarga qaraganda, tramvay svetoforning taqiqlovchi signaliga qaramasdan harakatni boshlagani to‘qnashuvga sabab bo‘lgan.
YTH chog‘ida tramvay vagonlarida 30 kishi bor edi. Temir yo‘l xizmati xodimi halok bo‘ldi. Tramvay haydovchisi ham jiddiy jarohat oldi. Yo‘lovchilar zararlanmadi.
Izoh (0)