Xitoy AQSh harbiy-dengiz kuchlarining Filippindagi aksilterror operatsiyalar o‘tkazilishida ishtirok etishini ma’qullaydi. Bu haqda Xitoy TIV rasmiy vakili Lu Kan ma’lum qildi, deya xabar beradi “TASS”.
“Biz xalqaro hamjamiyat vakillari Filippin hukumati manfaatlari, mamlakat suvereniteti va hududiy yaxlitligini hurmat qilgan holda Manilaga amaliy ko‘mak berishini ma’qullaymiz. Prezident Rodrigo Duterte rahbarligi ostida Filippin hukumati ichki barqarorlikni tiklay olishiga ishonchimiz komil”, — dedi Lu Kan.
Oldinroq Associated Press agentligi AQSh HDKning P-3 Orion josus samolyotlari Filippin harbiylarining “Maute” guruhiga qarshi operatsiyalarida safarbar etilganini ma’lum qilgandi.
Izoh (0)