Sankt-Peterburgning Qozon bosh cherkovi oldidagi favvora ko‘pikka to‘ldi

6-iyun, seshanbaga o‘tar kechasi Sankt-Peterburgning Neva shohko‘chasi, Qozon bosh cherkovi oldidagi  favvora noma’lum shaxslar to‘kkan yuvish vositalari tufayli ko‘pikka to‘ldi. Bu haqda Daily Afisha xabar bermoqda. 

Mutaxassislar barcha muhandislik jihozlarini tozalab chiqishiga to‘g‘ri keldi. 

“Bunday ‘ermaklar’ favvoralar maromi buzilishiga olib keladi va qo‘shimcha tiklash ishlari o‘tkazilishini talab qiladi. Shuningdek, jihozlar jiddiy shikastlanishi ham mumkin. Buni bartaraf etish uchun shahar budjetidan qoplanadigan qo‘shimcha moliyaviy xarajatlar qilinadi”, — ogohlantirdi “Sankt-Peterburg vodokanali” korxonasi matbuot xizmati.