Yangi Zelandiya politsiyasi mamlakat parlamenti hojatxonasida to‘pponchasini unutib qoldirgan Diplomatik qo‘riqlash xizmati zobitini jazolamaslikka qaror qildi. Hodisa o‘tgan yil iyunida sodir bo‘lgandi, biroq bu bo‘yicha qaror oradan bir yil o‘tib qabul qilindi, deya xabar beradi TJournal.
Sobiq bosh vazir Jon Kining qo‘riqchisi quroli yo‘qligini binoni tark etganidan 1,5 soat o‘tganidan keyingina payqadi. Uning hamkasblari “shikastlanmagan va foydalanilmagan” to‘pponchani bir necha daqiqa ichida topgandi.
Yuz bergan holat “jiddiy hodisa” deb baholandi. Jon Ki qo‘riqchisining parishonxotirligidan ranjigan bo‘lsa-da, biroq baribir uni qo‘llab-quvvatladi.
“Batafsil tekshiruv”dan bir yil o‘tib, politsiya komissari yordamchisi Mayk Rasbetch hodisa sababini inson omili bilan izohladi, o‘qotar qurol yo‘qotilishini esa “oddiy xato” deb atadi.
Izoh (0)