Xitoyda sun’iy ong maktab o‘quvchilari bilan birga algebra bo‘yicha imtihon topshiradi

Joriy yilda AI-MATHS sun’iy ongi xitoylik maktab o‘quvchilari bilan birga algebradan imtihon topshiradi. Bu haqda “TASS” xabar bermoqda.

Test 7-iyunga mo‘ljallangan.

Robot ikki soat davomida bir nechta matematik vazifalarni bajarishga harakat qilib ko‘radi. Ishlanma mualliflarining so‘zlariga qaraganda, AI-MATHS shu yil fevralida shunaqa imtihon topshirishga urinib ko‘rgan, ammo u o‘tish ballidan uch ball ko‘proq — 93 ball to‘plashga erishgan, xolos.

Loyiha XXR fan va texnologiyalar vazirligi yordamida amalga oshirilmoqda. Idora 2020-yilga qadar imtihonlarni eng nufuzli oliygohlarga kirish uchun yetarli darajada yaxshi topshira oladigan robotlarni yasash vazifasini qo‘ygan.