Bugun,

  • USD 10940.05
  • RUB 182.26
  • EUR 11121.65
Insider Pro nashri AQShning Donald Trampdan avvalgi to‘rt prezidenti Oq uyni tark etgach, yashash uchun qayerga ko‘chib o‘tgani haqida gapirib berdi.

Barak Obama

Foto: Insider Pro

Foto: Insider Pro
Shu yilning yanvarida Oq uydan ketgach, Barak Obama va uning oilasi Vashingtonning Kalorama tumanidan 6,3 million dollarlik hovli-joyni ijaraga oldi. Obama oilasining Chikagoda uyi bor, ammo ularning kenja qizi Sasha maktabni tugatmagunicha, ular Vashingtondagi 760 kvadrat metr maydonli dang‘illama hovlida yashaydi.

Kichik Jorj Bush

Foto: Insider Pro

Foto: Insider Pro
2009-yilda prezident lavozimini tark etganidan so‘ng, kichik Jorj Bush o‘zi tug‘ilib-o‘sgan Texasga qaytdi. Bush va rafiqasi Lora Dallasning Preston-Xollou elita tumanidagi mashinalar yurishi taqiqlangan Daria-leys ko‘chasida joylashgan maydoni 790 kvadrat metrli va to‘rt yotoqxonali sipo uyga ko‘chib o‘tdi. Bushlar oilasi, shuningdek, markaziy Texasdagi Krouford shahrida joylashgan ranchoga ham egalik qiladi.

Bill Klinton

Foto: Insider Pro

Foto: Insider Pro
Nyu-York shtati, Uestchester okrugi, Chappakva shahridagi 11 xonali hovli-joy er-xotin Klintonlarning asosiy qarorgohi hisoblanadi. Ular bu uyni 1999-yilda, Bill Klintonning prezidentlik muddati tugashiga oz qolganida 1,7 million dollarga sotib olgan edi. Yaqinda Klintonlar qo‘shni uylardan birini ham sotib oldi, ularning qizi Chelsi oilasi bilan ota-onasini ko‘rgani kelgan vaqtda o‘sha yerda yashab turadi. Shuningdek, Bill va Hillarining Vashington va Arkanzasda ham uylari bor.

Ronald Reygan

Foto: Insider Pro

Foto: Insider Pro

Oq uyni tark etgach, marhum Ronald Reygan va uning rafiqasi Nensi goh Los-Anjelesning Bel-Eyr tumanida, goh Santa-Barbarada yashadi. Ularning asosan mashhurlar yashaydigan Bel-Eyrdagi uyi 670 kvadrat metr maydonni egallagan bo‘lib, Seynt-Klaud-roud, 668 manzilida joylashgan.

Izoh
Asosiy yangiliklar
Dunyo
Sharqiy Quddusda keskinlik avjiga chiqmoqda (video)
Mahalliy
Ayol dasturchilar uchun mukofoti 8 000 dollarlik xakatonga arizalar qabuli boshlandi
Mahalliy
Narxi 16 ming dollar, vazni 200 kilogrammdan oshadi – “Naslli qo‘chqorlar ko‘rgazmasi”dan reportaj