KXDR uchirgan raketa Scud turiga tegishli. Bu haqda Koreya Respublikasi shtab boshliqlari qo‘mitasi ma’lum qildi, deb yozadi “TASS”.
Kichik masofaga uchuvchi Scud turiga taalluqli deb taxmin etilayotgan raketa 29-may, dushanba kuni 05:39 (Toshkent vaqti bilan 01:39)da Kanvondo provinsiyasining Vonsan shahri hududidan uchirilgan. Parvoz uzunligi taxminan 450 kilometrni tashkil etgan.
Janubiy Koreya tashqi ishlar vazirligi mamlakat KXDR amalga oshirgan raketa parvozini qoralashi haqida bayonot tarqatdi.
Avvalroq Janubiy Koreya prezidenti Mun Chje In KXDRda raketa uchirilishi munosabati bilan Xavfsizlik kengashini chaqirish haqida farmoyish bergan edi.
Izoh (0)