Janubiy Koreya KXDRda raketa uchirilganini ma’lum qildi

Janubiy Koreya harbiylari KXDR raketa uchirdi, degan fikrda. Bu haqda “Ryonxap” agentligi xabar bermoqda, deb yozadi “RIA Novosti”.

Uning ma’lumotlariga ko‘ra, Janubiy Koreya prezidenti Mun Chje In KXDRda raketa uchirilishi munosabati bilan Xavfsizlik kengashini chaqirish haqida farmoyish berdi.

Janubiy Koreya shtab boshliqlari birlashgan qo‘mitasi noma’lum turdagi raketa Vonsan shahri hududidagi KXDR qirg‘oqlaridan uchirilganini ma’lum qildi.

Manbalar agentlikka raketa sharqiy yo‘nalishda parvoz qilganini aytdi.

Tokio raketa Yaponiya iqtisodiy zonasiga kelib tushganini ma’lum qildi.

Harbiylar ta’kidlashicha, raketa dengizga qulashidan avval taxminan 450 km masofani bosib o‘tgan.