Isroil qamoqxonlaridagi falastinlik mahbuslar 40 kun davom etgan ommaviy ochlikni to‘xtatdi. Bu haqda Isroil qamoqxonalari boshqarmasi ma’lum qildi, deb xabar beradi “TASS”.
800 dan ortiq mahbus 17-aprelda boshlangan ochlikni Xalqaro Qizil Xoch qo‘mitasi va Falastin vakillari bilan muzokaralardan so‘ng to‘xtatdi. Mazkur muzokaralar natijasida qamoqxonalarda tutib turish sharoitlarini o‘zgartirish to‘g‘risidagi kelishuvga erishildi.
Ochlikni ushbu aksiyada ishtirok etgan barcha mahbuslar to‘xtatgan yoki yo‘qligiga aniqlik kiritilmadi.
Hozirda Isroil qamoqxonalarida asosan xavfsizlik sohasidagi jinoyatlari uchun turli muddatlarga hukm qilingan 6 mingga yaqin falastinlik mahbus saqlanmoqda.
Izoh (0)