Fotoreportaj: Toshkentning Mustaqillik shoh ko‘chasida yo‘lni ajratuvchi to‘siqlar olib tashlandi
27-may, shanba kuni Toshkent shahrining Mustaqillik shoh ko‘chasida yo‘lni ajratuvchi metall to‘siqlar olib tashlandi.
Bu ishga katta miqdordagi texnika va kommunal xizmatlar xodimlari jalb etilgan.
“Gazeta.uz”ning yozishicha, aynan shu xizmatlar 2015-yilning yoz va kuzida O‘zbekiston poytaxti Shanxay hamkorlik tashkiloti sammitiga tayyorgarlik ko‘rayotganda ko‘chani o‘nlab kilometrini to‘siqlar bilan ajratgandi.
Ushbu demontaj ishlari yuzasidan na Toshkent shahar hokimligi, na boshqa mas’ul tashkilotlar rasmiy axborot bergan. Yo‘l-harakati xizmati inspektorining nashrga ma’lum qilishicha, to‘siqlarni olib tashlash qarori yo‘l harakati xavfsizligini oshirishga xizmat qiladi.
Avvalroq Toshkent shahri hokimligi taklifiga asosan jahonga mashhur daniyalik arxitektor Yan Geyl O‘zbekistonda bo‘lgan edi. U “yo‘l o‘rtasidagi ajratuvchi to‘siqlarni olib tashlash,.. odamlarning yo‘llardan o‘tishini osonlashtirish... orqali shaharni yanada qulay qilish mumkin”ligini ta’kidlagan edi.
