Rossiyaning “Iskander-M” operativ-taktik raketa komplekslari MDHning “Dushanbe—Aksilterror–2017” mashqlari doirasida birinchi bor Tojikistonga yetkazildi. Bu haqda Markaziy harbiy okrug qo‘shinlari qo‘mondoni general-polkovnik Vladimir Zarudnitskiy ma’lum qildi, deya xabar beradi “TASS”.
Zarudnitskiyga ko‘ra, mashqlar davomida harbiylar tog‘lardagi shartli terrorchilar bazasiga qarata raketadan jangovar o‘t ochadi.
Tojikistonga mashqlar uchun hozirgacha Su-24M front bombardimonchisi va Mi-8 hamda Mi-24 vertolyotlari yuborilgandi.
Ma’lumot uchun, “Dushanbe —Aksiltiterror-2017” MDH Aksilterror markazi tomonidan Hamdo‘stlik qurolli kuchlarini jalb etgan holda o‘tkazilayotgan birinchi mashg‘ulot. Uning faol qismi Tojikistonda 30-maydan boshlanadi.
Izoh (0)