Londonning “Chelsi” klubi chempionat yakuniga ikki tur qolganida mamlakat chempionligini qo‘lga kiritdi.
“Vest Bromvich” maydoniga safar etgan “aristokratlar”ning chempionlik goliga Mishi Batshuayi mualliflik qildi.
Oldindagi o‘yinlar davomida “Tottenhem” raqibini quvib yetish imkoniyatiga ega emas. Pochettino jamoasi kumush medallarni rasmiylashtirishi uchun yana bitta g‘alabani qo‘lga kiritsa kifoya.
Shu tariqa “Chelsi”ning chempionlik mavsumlari oltitaga yetdi. Shularning 5 tasi Roman Abramovich “aristokratlar”ga egalik qilgan davrga to‘g‘ri keladi.
“Chelsi” o‘tgan mavsumni 10-o‘rinda yakunlagandi. Jamoani qabul qilib olgan Antonio Konte uchun London klubini shohsupaga qaytarish uchun faqatgina bitta mavsum kifoya qildi. “Chelsi” kelasi mavsum Yevropa Chempionlar ligasida Angliya yetakchisi sifatida ishtirok etadi.
Angliya Premyer-ligasi 37-tur o‘yinlari 12-may, juma
“Everton” — “Uotford” 1:0
Gol: Ross Barkli, 56 (1:0).“Vest Bromvich” — “Chelsi” 0:1
Gol: Mishi Batshuayi, 83 (0:1).
Izoh (0)