Xitoy Kommunistlar partiyasining intizomni tekshirish bo‘yicha markaziy komissiyasi xorijdan vataniga qaytgan korrupsiyachilarni afv etish holatlari haqida ma’lum qildi. Bu haqda Reuters xabar bermoqda.
Komissiya hisobotiga ko‘ra, qidiruvga berilgan va asosan AQSh, Kanada va Avstraliyada istiqomat qilayotgan 100 nafar korrupsiyachidan 40 nafari (ayrimlari ko‘ngilli ravishda, ba’zilari deportatsiya qilinib) mamlakatga qaytdi. Ulardan 15 nafari turli muddatlarga, jumladan, umrbod qamoq jazosiga hukm qilindi.
Shu bilan birga, 3 kishi ozodlikka chiqarildi va ularga hech qanday jazo qo‘llanmadi.
Chjan Davey tavba-tazarru qildi va barcha noqonuniy aktivlarni ixtiyoriy ravishda topshirdi. Faqat jinoyatga sherik bo‘lgan Chju Chjenyuyning o‘zi rasmiylarga taslim bo‘ldi. Chjan Lipinning qo‘shimcha qiymat solig‘idan qochish uchun hisob-fakturalarini soxtalashtirganini sudyalar jazolashga arzigulik holat emas, deb topdi.
Izoh (0)