Iroq armiyasi IShIDga qarshi yangi front ochdi

Iroq harbiy kuchlari Mosul shimoli-g‘arbida IShID jangarilariga qarshi yangi jabha ochdi. Bu haqda, Reuters’ga asoslanib, “RBK” xabar bermoqda.

Shahar markazi tomoniga 9-zirhli tank diviziyasi, shuningdek, IIV tez ta’sir kuchlari otryadlari yo‘l oldi. Komandirning so‘zlariga qaraganda, bu maxsus qo‘shinlar va IIV qismlariga IShIDga qarshi kurashda yordam beradi.

Iroq armiyasi AQSh boshchiligidagi koalitsiya kuchlari ko‘magida 2016-yil oktabridan buyon Mosulni ozod qilish bo‘yicha operatsiya olib bormoqda.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.